Bahay* Kubo* ng mga Antik oh Adik? =))

Kwarto ni NAKED

	.   "Kwarto ni Naked"   Dito sa aking kwarto , tuloy po kayo Imbitado ang lahat,babae,lalake,bata man o lolo Silip na kayo sa aking kwarto Tingnan nyo ako sa lahat ng anggulo.   Ano ang gusto nyo, makikita mo Dito sa aking kwarto Libre kahit ano Tihaya,tagilid o padapa man ako Wag lang nakatuwad kita na kuyukot ko   Sssh...wag maingay sa aking kwarto Dito ako lang ang maririnig mo Unggol na kaylambing at nakakaliyo Kapit at baka mabasa mo sahig ko.   Salamat po sa pagbisita sa aking munting kwarto Nawa kahit pano "naano" ko kayo At nawa sa muling pagpasok nyo Magbaon ng basahan para sa sahig ko   Naked Hayup na kombo   Nakanganga si buwaya Ngipin ay kitang kita Nag aabang ng karneng paborito nya Na malalaglag sa bibig na nakabuka Tulo pa ang laway hanggang sa baba nya.   Pagtapos ng pagngata ng karneng paborito nya Didighay sabay tirik pa ang mga mata Babalik sa tubig na malansa At doon mamamahinga pansamantala.   Sa kabilang pampang,samantala. .. Si elepante tila may nginangata Ang kanya paboritong mani na sariwa Mamamasa masa at tila may dagta.   Ang kawawang elepante ay nabigla Si kuto sa kanyang likod biglang rumagasa Hanap ng dugo sa kanya'y  mahihita Na sa kanyang gutom ay aapula.   Sa pagkagulat ni elepante Takbo sa tubigan  parang matatae Di mawari kung dahil ito sa mane O dahil kay kuto na nakakarinde.   Si buwaya ay nagitla sa pamamahinga Mata ay dumilat ,at sa nakita... Sisid ulit sa tubig na malansa Nais lapitan ang dambulang nang abala   Lumapit sa elepanteng may kagat na mani Na sa tubig ay di mapakali Napapaunggol na di mo mawari Pilit winawagayway si kuto na nasa kili kili   Sa pagwawala ni elepanteng may kagat na mani Di namalayang si buwaya ay kanyang napipi Naapakan ng kanyang mga paang piki Na sa pagwawala dahil kay kuto na nangingiliti.   Kawawang buwaya na napipi Sa malansang tubig nawala ang ngiti Pinanawan ng buhay, tikom ang mga labi Kinitil ng elepanteng mahilig sa mani.   Itong elepanteng mahilig sa mani Nakakarma na tila sa kakain ng mani Sa kanyang pagwawala, galit na tinimpi Nadulas sa bato mga paang piki   Si kuto mula sa kanyang kili kili Lumipat sa ulunan abot tenga ang ngiti Duguan si elepanteng mahilig sa mani Agaw buhay nangingitim mga labi   Naked siMANloloko   Manloloko gawa gawa lamang ba ito, O may katotohanan sa likod ko? Maraming narinig na balita tungkol sayo Bakit di maipaliwanag ito ng husto?   Dila at daliri ay nauumid ano nga ba ang totoo? Bakit di mo aminin ng harap-harapan sa mundo? Salitang mahal mo ako, Yan ba ay alam mo? Magmahal ng kapwa , pano gagawin kung sarili ay niloloko?   Ano ba ang pakiramdam ng ginagawa mo Ego tripping lamang ba ito? Kabilaang mga babae kinakarir mo Ngayon naglalabasan sa lungga mga ito.   Ang masakit lamang dito Kaytagal mo pala akong niloko Pinaniwala na ako lang mahal mo Sa likod ko ay mayron pa palang isa pang mahal mo.   Sa kabila nito ay nagpapapasalamat ako Habang maaga nalaman na ito Hulog man ang loob sa iyo Akin ng kikitlin damdaming minsan ay napasaiyo.   Pagpalain ka nawa ng mga tulad mong  unggoy sa iyong panloloko.   Naked 'Pagbabalik ng Patay'   Sa iyong pagbabalik ika'y nagsusumamo Na ika'y muling mahalin at tanggapin ng taos puso Ganon lamang ba kadali , gamutin sugatan kong puso? Na bigla mong iniwan,at ngayo'y nais ibalik matamis na pagsuyo.   Nais kong ipaalam sa iyo, Na ako ay tao, Hindi isang trapo Na basta mo na lang iiwan  Anomang oras na gustuhin mo At saka babalikan sa oras na kailangan mo.   Ngayon ang sugat na ito Kaya pa bang gamutin ng pagmamahal mo? Na sinagad ng paghihintay , makailang ulit na ito? Pagod na ako sa mga "sorry" mo Ngayon ang laro mo ay magiging laro ko.   Naked Pusong Nagdurugo   Ngayong araw ng mga puso Puso koy nagdurugo Iyong sinugatan ng sinirang mga pangako Di mo alintana ang aking pagsusumamo Na ako'y wag saktan bagkus mahalin ng taos puso.   Ngayong araw ng mga puso Sa akin ito ay siphayo Sa sakit na nadarama ng iyong paglayo Nais ng limutin ang nagdaang pagsuyo Na iyong pinalasap, ngunit biglang naglaho.   Saan ka man naroroon sa araw ng mga Puso Hangad ko pa rin ang iyong kabutihan, kahit nasa malayo Iyo sanang matagpuan ang tunay na makakasuyo Na sa iyo ay magmamahal ng taos sa kanyang puso....                ......at higit sa isang pangako.!   Naked "Lamat"   Kahit anong gawin Pagdikit dikitin Unti-unti mo mang pulutin , At isa-isahin.. .   Mabuo mang muli naroon pa din Ang lamat na likha sa aking paningin.   Pilit mang dayain aking damdamin Hungkag na ang puso sa iyong hinaing Pilit ng mga ngiti ang 'yong naaangkin 'Di tulad noon, taos sa puso at aking damdamin.   Sa iyong pagsusumamo puso ay nahiling Akin ng kalimutan at ika'y patawarin Pag-ibig na akala ay buo pa ring kakamtin Lamat ay naroon at nag uumigting.   Naked "BASAHAN"   Tulad ko ay isang basahan, sa iyong pagbalewala Damdamin kong nasasaktan di mo na alintana. Mga mata kong hilam na sa luha Sa patuloy mong sa akin ay pagbalewala   Tigang na puso sa iyo'y nagmakaawa Yakapin mo ako ng iyong mga salita Punuin mo ng katotohan ng iyong mga gawa Ngunit lahat ng iyon ay iyong binalewala.   Tulad ng isang basahan na nakatunganga Kung kaylan mo gagamitin saka mo masisipa Upang ingudngod sa sahig na nanggigitata At pagkatapos mong gamitin sa patabi na uli ang sipa.   Ngunit ang basahan rumurupok din Sa tagal ng di nalalabhan pagtapos gamitin Sa dami ng dumi at nangingitim Kusa ng nasisira di na kailangan pang punitin.   Naked Pangarap ko   Noong bata pa ako di pansin bagay na ganito Sabi sa sarili pantay pantay lahat ng tao Yan ang bigay ng Dyos sa inyo, Tanggapin na lang at wag ng magreklamo     Ngunit ang tao sadyang magbabago Araw araw nawawalan ng kuntento Dito makikita kung ano ang gusto Para sa sarili na salat sya dito   Noon akala ko pare-pareho Katawan, buhok at mata  ng tao Oo pantay nga ng bilang mga ito Ngunit hindi pantay ang hugis at laki nito   Noong ako ay magdalaga akala ko dibdib ko         napakalaki na Pilit itinatago sa suot na kamiseta Nakasando na at may bra pa Ngunit ng sumapit sa edad na husto na sa pagdadalaga Ako ay naghangad ng higit sa kanila.   Pangarap ko maging mayabong sya Aking dibdib mapuno na tila parang bola Magmamalaki sa gitna ng iba Na tila nagsasabing " ako ang pinakamaganda"   Ngayong ang pangarap ay narito na Dala ko na sya sa aking pag asa Buo na ang aking dinadala Ngayon tulad ni Sabelle ako ay  si booba  na     Naked  Pag- ibig   Paggigsing sa umaga Maamo mong mukah ang nakikita Oras ay hinahatak upang makausap na kita Tanda ba ito na pag- ibig na nga nadarama?   Mahal nga ba kita o miss lang ata? Hindi lang mahal.....mahal na mahal pa Kulang mga salita na aakma sa ating dalawa Damdaming nag- aapoy , nagsisiklab na.   Mabibigyang katuparang kaya natin sinta Mga binuong pangarap nating dalawa Mundo mo at mundo ko nati'y mag iisa Magsasanib damdaming naglalagablab talaga?   Hindi na mapigil mapamahal sayo,alam mo ba? HIndi na maturuan puso ibaling ko sa iba Dito sa puso ko, ika'y nakaukit na Pag aari mo ako buong puso at kaluluwa!   Ang pag- ibig nga namang talaga Sadyang mahirap pigilan ang hatak nya Habang pinipigilan damdaming nadarama Lalong nag- aalab, halos matupok na.   Naked Nakaw na PAG - IBIG   Nakaw na pag - ibig.. kaysarap...kay init Bakit sa puso at isip hindi ka maiwaglit Maging sa pagtulog, ikaw ang panaginip Kasama kita, ako'y nasa iyong mga bisig.   Nakaw na pag- ibig, talagang nakakapanabik Tulad ng bawal na gamot ako'y naadik Walang oras na sa iyo ako'y nananabik Sa iyong mga yakap at maiinit na halik.   Nakaw  na pag -ibig nagsusumiksik Sa aking puso at diwa at aking isip Kung ano ang hindi dapat , doon nagpupumilit Sadyang tukso kang nakakakilig. ... Sa nakaw na oras puso at katawan magkasanib.   Naked   Nakaw na Sandali   Magsing- irog sadyang nawiwili Sa mga nakaw na sandali ay di matali Pinagsasaluhang mga sandali Bawat galaw at kilos may pagmamadali   Nakaw na sandali Sadyang walang pinipili Mapakalye man o tabi ng pusali Kaligayahan dito ay sadyang binabawi   Nakaw na sandali nakakapanabik Oras na takda nakakainip Heto na at tayo ngayo'y  magkaniig Mga halik at yakap nya na nakakakilig Sa wari ko litid ko'y mapapatid.   Sadyang masarap nakaw na sandali Oras sa kanyang piling nais na mabawi Damdaming nag aalab pagmagkatabi Hindi mapipigil ano man ang mangyari.   Oras ay tapos na sa nakaw na sandali Oras na naman ng aking pag uwi Muling sinisipi kaylan kaya uli Muling magaganap nakaw na sandali?   Nawa aking hiling ay wag mabali Sa madaling panahon tayo'y magkitang muli Samahan mo ako sa ating nakaw na sandali Pag ibig mo ang tanging aking minimithi.   Naked Para sa iyo Sabelle   Sadyang makapangyarihan ang puso Ayaw man ng isip, iba pa din  ang gusto Pilit ka mang limutin, pilit na rumerihistro Masasayang mga sandali noon sa piling mo.   Tinangkang limutin damdamin para sayo Ngunit di magawa kaytigas yaring ulo Sinaktan mo ng lahat ang damdamin ko Puso'y nagmamahal pa rin sayo ng todo.   Tanda mo ba ng ika'y lumayo? Halos madurog yaring aking puso Nagtatanong bakit nagkaganito Ginawa ang lahat para sa ikaliligaya mo.   Lumipas ang panahon iyong napagtanto Ngayon heto ka muling nanunuyo Nais muling gamutin aking siphayo Sugat sa puso na naampat na ang dugo.   Itong tangang puso ayaw magturo Ikaw ay kalimutan at ako ay sumuko At huwag na  muling pag alabin damdaming tuliro At muling ibalik ang dating pagsuyo.   Hangang ngayon inaaminin  sayo Mahal pa rin kita at di nagbabago Ngunit takot na muling kang lumiko Muling matukso at saktan muli itong aking puso.   Naked Pagsisini ano???( hehehe)   Ilang ulit na nagpapaliwanag Ilang ulit ng sa iyo ay nais tumawag Batid mong di ko pa magawa ang  lahat May balakid pa ang ating landas   Batid ko ding kayhirap gamutin Sugatang pusong dati'y inangkin Wag pagbawalan puso natin muling paglapitin Hindi ko matanggap na tuluyan mawalay  ka sa akin.   Heto ako gumagawa ng daan Pag iibigan natin muling bigyan ng puwang Sa masalimuot kong  kalagayan Tatahakin ang lahat mahalin mo lamang Muli ang taong sayo ay tunay pa ring nagmamahal.   Sabi sa sarili "kung maibabalik ko lang" Ating kahapong puno ng lambingan Hindi na nanaisin pang ikaw ay iwan Ipagpalit sa tulad nyang isang buwang!   Aking mahal, iyong unawain Kalagayang gipit ay intindihin Di ko nais mawalay ka pa sa akin Sukdulang ako ay magbaging Maabot ko lamang muli ang iyong pagtingin.   Ngayong ako ay nagsisi na Sa nagawang sa iyo ay pagbalewala Akoy patawarin at muling magsimula Magandang samahang puno ng adhika.   Naked Miss kita   Miss kita,alam mo ba Naalala ko noong tayo ay magkasama Baby mo ako at nanny kita Pati sa aking paglalakad nakaagapay ka.   Masakit man para sa akin na iwanan kita Ito ang mas tama sa mata ng iba Tanging larawan mo na lamang sa akin ay natira Ang laging minamasdan ko sa tuwi-tuwina.   Sa ating huling pagkikita ng ako ay paalis na Luha ko'y dumaloy sa aking mga mata Ang tangi kong nasambit "ayaw ko sana Sa piling ay mawalay pa."   Luha mong pinipigilan ay kumawala na Kagat labing sinabi mong " Mahal na mahal kita" Iyon lang ang nasabi at wala ng iba Kasunod non ay hagulgol , at tumalikod ka.   Habang ang eroplang sinasakyan ay nasa himapapawid na Halos nais pang tumalon pabalik sa piling mo sinta Nais pagsisihan ang desisyong iniwan ka Tama ba ito o pagkakamaling inabandona kita?   Miss na miss kita aking sinta   Naked Pangako ng sinungaling   Isang malaking pagkakamali ng kita ay mahalin Ibinigay ko sa iyo ang puso at damdamin Ngunit ano ang isinukli , ang ako ay saksakin Tinarakan ng dusa ang puso kong maramdamin.   Isang pagkakamali ng ako ay paangkin Sa isang tulad mo na ubod ng sinungaling. Lahat ng babae mo na iyong chinaring Pinangakuan ng lahat ng pangako mo rin sa akin.   Salamat na lamang at ako ay nagising Sa aking pagtulog na ubod ng himbing Nakita ko na ang lahat ng pahirap mo sa akin Pagpapakamartir ko hindi mo man lang pinansin.   Tanda mo pa ba ng lumigaw ka sa akin? Ito ang sabi mo iyo sanang alalahanin "Hindi kita paluluhain,maniwala ka sa akin Mahal kita at walang makakapigil sa atin"   Ngunit ang pangako, dinala ng hangin Tinangay ng ipo-ipo at nagpagiling giling Ngayon napatunayan ko ang iyong pagkasinungaling Pangakong nabitin di mo binigyan ng pansin.   Naked Selos   Ano ba itong nadarama ko? Inis,galit, duda at lito Tila yata may nangyayari sa likod ko Na di ko mawari kung ano.   Gulo na ang isip sa  takbo ng mundo Bakit ganito pakiramdam ko? Nagngangalit ang bagang sa tindi ng hinalang ito Niloloko ba nya ako o ano?   Selos.... lason sa isipan ito Pumapatay ng relasyon at sakit ng ulo Ito ay aatake pagmahina ang puso, Umunawa at tumanggap ng mga patotoo.   Naked Bato balani   Bato balani ang nais ipabatid Isa kang gayuma na laging umaaligid Hindi matanggihan ang hatak na hatid Walang pagtutol sa isip ay sumisigid   Bato balani, Kay hirap iwaglit Kahit nakapikit , sa puso ay pagkit Ang larawan man o pook sa aki¢y pilit Tinatawag ako sa kanya daw ay lumapit Bato balani alipin mo ang lahat Sa lungkot at dusa ikaw ay salat Mga mata na kahit gising o mulat Pagsunod sa iyo at sadyang maluwat   Mahika o karisma ka sa lahat Sa diwa ko walang pagtutol sa iyong matapat Sunud sunuran sa bawat mong paghikayat Buong pagsuyo na sa iyo'y sasapat. Bato balani isa kang agimat!   Naked Mataray   hmmm ...mataray daw dating ko sabi ng iba sa inyo bakit naman kaya dahil ba sa kaprangkahan ko? katarayan bang magsabi ako ng totoo? di ko feel magpakaplastic rurupok lang ako.   Bakit pag nagsasabi ang tao ng totoo' Ang sasabihin sayo "sinisiraan mo ako" Kapag naman nagsinungaling ang sagot ay ganito "bolera ka masyado lumubog ka sana sa inidoro!"   Pasensya na mga amiga ko at amigo Naturalesa ko lamang po ito Kapag di ko feel at naasiwa ako Care ko ba ano man sabihin nyo!   Kaya naman po tinaguriang Mataray ng bahay kubo!   Naked Reyna ng Tapal   Sino ba itong Reyna ng tapal? Walang sinisino kapag may sagabal Wala ding paki kahit sya'y pagal Basta magawa lamang kanyang dinaratal.   Reyna ng tapal kung sya ay tawagin Pagkat sya ay laging dumadaing Mga taong sa kanya puno ng hinaing kanyang binabara o sinusupalpal din.   Katarayan na ba na maituturing? Sumagot ng diretso at wag magsinungaling? Kung katarayan ito sa inyong paningin Tanungin sarili mo, ikaw ano ka ngaun sa turing??   Inggit? sinungaling? o Praning?   Naked Galit ni Taray   Galit ni Taray wag sasalubungin Bibig nyan nag aapoy baka ka maging uling Hinay hinay lamang baka ka maduling Sa tindi ng galit mo puso ay atakihin   Lady wag mo na iyong pansinin Sino mang pinananawagan mo, wag ng pasikatin Kulang lamang yan sa pansin Laro na lamang tayo kahit na may "missing", Kulang ang Tatlong Maria, mukhang si Ich nakikipagbonding   Panawagan muli sa "missing" Hoy gising! join na sa amin Nalalapit na ang Paskong tumataginting Mangangaroling tayo, lika na and let's dance and sing!   Naked   Sumpaan   Sa kabilugan ng buwan May magkasintahan Magkahawak kamay sa gitna ng palayan Saksi ang langit at liwanag ng buwan Sa kanilang sumpaan , Na sila ay magsasama hanggang sa kamatayan.   Ngunit isang gabi ng muling kabilugan ng buwan Ang dating dalawang anino nag iisa na lang Tila nakayuko na hindi maintindihan Ngunit dinig ang palahaw sa gitna ng palayan.   Ang kawawang babae , sya pala ay iniwan Sa kawawang kalagayang buntis ng dalawang buwan Kasintahang inasahan sa kanilang sumpaan Biglang naglaho , naghanap ng matataguan.   Sa tindi ng galit , ng babaeng iniwan Muli sya ay nagbalik sa may palayan Saksi muli ang buwan sa kanyang tinuran Sumpa sa lalake na sya ay gagapang Tulad ng isang sawa sa hirap ng kalalagyan!   Naked "Confe"   Imbitasyon sa inyo ay dumadagsa Sa mga confe na kanilang ginawa Hila dito, hila din sa kabila Monitor ng pc mo, hala napunong bigla!     Doon sa Confe ikaw ay ngumawa Sumampa sa vc,  na sa mga room di mo nagawa Kaylakas ng loob hiya ay nawala Mga kakilala mo sa iyo ay nagitla.     Dito sa Confe ikaw ay matutulala Naggagandahang mga boses sa iyo ay bubulaga Pagpasok mo pa lamang ay mamangha Maeengganyo kang kumantang bigla.   May Confe ding mapanira Papasukan ng mga epal sa rum na naggala Sa kakahila mo hindi na nasala Mga taong nahila ng nahila mo isa pa lang timawa.     May confe ding konserbatibo Na tila ba mga manang nakatira dito Magbiro ka ng "mane at itlog" papaboot ka na nito Kung di ko pa alam , naglaway  lamang kayo   Lumipat ka sa Confe ng relihoyoso Dito katakot takot na dasal ang maririnig mo Bawal daw magsalita ng "bastos" dito Pero wag ka sa PM me ka cyber ang mga gago .   Sari saring confe gawa nyo Ok lang yan nagsasaya tayo Wala lang personalan dito Ang nangyari sa loob ng Confe, wag ng ilabas ito.     Naked Hala bira taray !   Sa kaarawan ni Taray Ating iwagayway Dalawa nating mga kamay Sa kanya ay pagpupugay.. ..   Hala bira taray! Ikaw ay sumabay Sa aming pagkaway Walang sasaway!     Itong ating taray Takot po sa away Tawag ng kakampi sa kanya'y aagapay. Dito bilang ina sa atin ay sumusuhay Nanenermon sya upang ikaw ay tumibay.     Itong taray sa kanyang sariling bahay Paglalaro ng tong-its gustong ialibi Busy daw sya at bawal ang halay Kapag natalo sya ikaw ay "patay"!   Naked Tanong   Tanong ng iba..   bakit kung kelan wala na   saka mo malalamang   mahal mo pala sya?   Sadyang ganon talaga Saka mo malalaman ang halaga Ng isang tao kapag wala na Hahanap hanapin mo sya sa tuwina.   Dahil sa iyong isip andyan lang sya Mahal ka nya, walang duda Hindi mo namamalayang nagkukulang ka na O minsan naman ay lumabis pa.   Dahil tiwala kang mahal ka nya Puso at isip ay sarado na Sa iyo lang at walang iba Hindi ito sinuklian at minahalaga.   Natukso ka at sumama sa iba Iniwang sugatan ang puso nya Langit at lupa pinagsakluban sya Pinilit limutin sugat na likha mo sa kanya.   Ngayon sa iyong pag iisa Buong pusong nagsisi ka Sabi sa sarili "miss na miss kita!" Ngayon ko napatunayang sa puso ko ikaw ay nag iisa!   Naked Marahil nga [Maybe]   Naghihintay lamang ng tamang oras at paraan Tamang pagkakataon, sayo ay ipaalam Mga bagay na sa dibdib ay nais mong malaman Umaasa akong sana ay iyong maintindihan.   Sa bawat oras at araw na magdaan Tanging mukha mo lang nais masilayan Ngunit ang puso mo ay ayaw ng buksan Sa  isang pang pagkakataong aking kahilingan.. . Pangako, sapat na sa aking ika'y masilayan.   Marahil nga maling asahan pa Na sabihin mong ako'y mahal mo pa Marahil nga maling mahalin ka pa Gayong alam kong sayo'y may nag mamay ari na..   Ngunit dama ng puso ko na ikaw ay akin pa! Marahil nga mali ang patuloy na subabayan ka At patuloy na sa iyo ay umaasa Na isang araw magigising ,na Ako ay hanap at pinatawad na..  at sasabihing MAHAL pa NGa kita !"   Naked  Mahal kita...may mahal kang iba   Mahal kita, ito'y pansin mo ba? Lahat ng bagay ginagawa mapasaakin ka. Mahal mo sya, ako'y inggit sa kanya Puso mo'y bakit ayaw ibaling sa iba?   Mahal kita... mahal mo sya May mahal naman syang iba Pag- ibig bakit ganito mapanuksong talaga? Kung sino pa ang ayaw sa  iyo doon ka pumupunta.   Sana ay hindi maging huli na Ako ay mapansin na mahal kang talaga Bago puso at isip ko ay maibaling sa iba Mahal kita...iyon sana ay makita at iyong madama.   Naked Ang ibon ni Pedro   Labas lagi ang ulo Tila langing galit at manunuka ito Litid ay nagngangalit na parang pulitiko Na may kadebate na 'di alam kung sino.   Ang ibon ni Pedro Minsan sinipat ko Akmang hihimasin, biglang tinuka ako Sa gulat at takot Napaatras ako At biglang napadakma sa ibon ni Pedro.   Ang ibon ni Pedro "di sinasadya nasakal ko Sya'y lalong nagalit tumayo ang nasa ulo [palong] 'Di malaman ang gagawin sa ibong hawak ko Kung bibitawan ba o ihahampas ito   Sa wakas ay nahimasmasan na din ako Aking niluwagan pagkakasakal sa ibon ni Pedro Bigla namang nagising ang may alaga nito At sabi sa akin "pambihira ka bakit tinigil mo nagising tuloy ako "   Naked   TORPE   Dila ay nauumid tila isang pipi Kapag ika'y kaharap, wala na akong masabi Mga linyang inihanda at aking hinabi Nasa bikig ng lalamunan, at ayaw mamutawi.   Kapag ika'y wala, dito sa aking tabi, Kaylakas ng loob at hindi maitanggi Aking damdaming para sa iyo ay itinatanggi Nais sanang ihayag nitong aking mga labi.   Minsan ika'y umupo sa aking tabi Biglang kinabahan at tila mapapaihi Kamay ay nanlamig at kaba ay kaytindi Pawis ay butil butil, at 'di mapakali.   Kayhirap naman nitong maging torpe Oras ay nasasayang dami kong pakyeme, Habang buhay na lamang ba akong wala sa sarili? At hindi masasabi sa iyo na.... i love you kasi.   Naked Guni- guni   Pikit ang mata, may nakikita Mga pangitaing puro kakaiba Nauudlot bigla pagdilat ko na At muling babalik sa pamamahinga.   Tila may narinig , ngunit tahimik ka Minsan sumagot ako, nagulat kapa Nagtanong ka kung bakit at nagtataka Sagot ko'y "wala lang baka magtanong ka"   Maging dilat mang itong mga mata Nakita kong, may katabi ka Masaya ka daw sa piling nya Kaharap mo ako , pero dinededma.   Guni-guni kayhirap iwaksi Kayhirap paniwalaan at isaisangtabi May pagkakataong ang mga pangyayari Biglang magaganap at masasabi sa sarili.... "Ito ang nakita ko sa aking guni-guni"   Naked Gayuma   Anong mayron ka at nakakahalina Maging ang iba ay napapatanga Hindi naman maganda ngunit lahat sila Nais matamis mong "Oo" makamtan nila.     Simpleng dalaga ang anyo nya Ngunit kung titigan ay higit pa Matang mapang-akit, matutunaw ka Na tila nagsasabing. .."halika lapit na"     Alipin mo ako ng iyong ganda Anungmang ipag-utos mo, gagawin ang kaya Walang ibig ka na di ko ipapasa Walang lakas ako laban sa iyong GAYUMA.   Naked Tadhana   Ang sabi nila,pagkasilang mo pa lang Sa atin ay may nakatadhana ng kapalaran Naniniwala ka bang nasa atin na ang pagyayaman Tulad ng ibinigay Nya sa ating kalikasan.     Tadhana daw ay sya mong kasasapitan Pangyayari sa buhay mo na syang dumaan at daraan Mabuti man o masama ibigay Nya yan Upang hubugin ang lahat ng may tyaga at katatagan.     Ano mang pangyayari sa buhay mo kaibigan Ikaw ang susi ng iyong patutunguhan Itinadhana man yan, ikaw pa rin ang may karapatan Pumili ng daan kun sa kaliwa ka o sa kanan.   Naked Bangungot   Kaydilim ng daang tinatahak ko Tila wala atang katapusan ito Pagod na at pawisan sa pagtakbo Ng biglang may dumakma sa likuran ko.   Hindi mailarawan mukha ng nakita ko Kay labo- labo, kaydilim at ako ay hilo Dinala daw ako sa isang palasyo Na puno ng ahas ang buong loob nito.   Hindi makahinga sa takot ko Mga ahas naglalapitan tutuklawin na ako Napatayo bigla , hanap ng saklolo Ng biglang may tumapik sa pisngi ko at doon ko nalamang bangungot pala ito.   Naked AMA   Haligi ng tahanan , tawag sa kanila Isa sya sa pinakaimportanteng bahagi ng pamilya Sya ang ating sandigan at maasahan tuwina Lahat ay gagawin sa abot ng makakaya.   Kayod sa maghapon at may overtime pa Nagtitiis magbaon makatipid lang sya Hinahanda ang kinabukasan ng mga anak nila Na sa kanya nakasalalay bilang isang AMA.   Ang ibang AMA naman nangibang bansa pa Sa hangaring kumita ng triple sa bansa nya Tinitiis ang homesick sa dalawang taong di pagkikita Nag iimpok ng pera pangtuition ng anak nya.   Sa kanilang pagtanda at panghihina Nararapat lang karangalan ihandog sa kanila Suklian ng pagmamahal at pagkalinga At itanghal sila bilang isang ulirang AMA!   Naked     Paskong malayo ka   Unang Pasko sana tayong magkasama Kapwa malayo sa isa't isa Dagat at lupa at milyong dipa Agwat nating dalawa.   Mga sandaling pinagsasaluhan 'ta Kapwa ayaw matapos ating pagkikita Araw araw, tumitindi ating pagsinta Lalong nag aalab pag ibigang nadarama.   Oh, sadyang kaysaklap ng malayo ka Sa aking diwa lamang kita nakakasama Luha ang kaulayaw sa sandali ng pangamba Kung ikaw ay mawawala, ang buhay ko paano na?    Mga pangako sa isa't isa Pag ibig na walang kapara Umaasam na maganap na Sa Diyos tayo ay umaasa.   Kaylungkot ng malayo ka Kayhirap ng nag iisip pa Kayhirap ng umaasa Kaylungkot ng mapag - isa.   Ngayong kapaskuhan aking sinta Nangangarap na sana'y narito ka Sa aking panaginip kaulayaw kita Magkaniig at walang kasing-saya.   Ngunit ang katotohan... . Kaylungkot ng Pasko na malayo ka   Naked KRISMASTRI   Bawat tahanan ay may krismastri Puno ng ilaw at mga palamuti Kayliwanag at ningning nito sa gabi Sa ilalim nito ay regalo, ang nakatabi.   Sa bahay ng mayaman , kanilang krismastri Puting parang yelo at napakalaki Sagana sa mga dekorasyon na kanilang binili Mga regalo sa pasko, dito ay nakasubi.   Sa bahay naman ng mahirap ang krismastri Yari sa tuyong sanga ng kamatsile Dinikitan ng bulak at pinintahan ng puti Saka sinabitan ito ng mga kendi.   Saan may yari ating krismastri Gawa man ito o iyong binili Ang diwa ng pasko ang sadyang importante Maipahayag ito kahit man lamang sa krismastri.   Naked Simbang Gabi   Sa ating simbang gabi Sari saring amoy sa ating tabi Sa iyong kaantukan sikmura ay aatake Na di mawari kung gutom o pagkadiri.   Unang nakatabi, amoy kakawate Naamoy kanyang ulo,nakakasukang di mawari Ang sumunod, may huminga sa aking tabi Sa aking paglingon,naamoy tila parang tae     Ng misa ay matapos, sabi ko sa sarili Ako'y lalabas na at magmamadali Nais kong maamoy ang bibingka, suman at pichi pichi At ng mapawi ang naamoy na kakadiri   Bulong ko lang naman sa aking sarili Sa mga taong mahilig magsimbang gabi Maano ba namang ayusin ang sarili Bago humbilo sa tao at tumabi   Naked Karoling   Tao po! Tao po!Namamasko po! Awit ng mga paslit na wala sa tono Ngunit sige pa rin at bigay todo! Tanda na excited mga paslit sa araw ng Pasko.     Yari sa lata ng gatas ang tambol nila Jess at  Lito Kanilang instrumento pinaghirapan pa ng  lolo. Ito namang Si Pedro na may silindro Pamana pa daw ito ng amang yumao.   Si Nene at Ana sa pagkanta eksperto At tagahawak ng pera ang mga ito Masayang lumilibot kanilang grupo Nangangaroling. .. umaawit ng kantang pamasko.   Pagpagod ng kumanta, sa huli desidido Hatiin na ang mga kinita nito Uuupo sa tabi at saka seseryoso Hahatiin ang kita na may ngiti at tuwa at sabay takbo!   Naked "Kawawang Paslit"   Paskong nalalapit Ang lahat ay naghihigpit Naghahanda sa budget Na pambili ng gift   Mga kabataan lalo na makukulit Panay ang abang sa paskong sasapit Dahil ito ang araw sa kanila ay susulit Ng buong isang taon na pag aabang sa gift   Laruan at kendi hatid sa kanila ay langit Pag pera naman asahan mo magulang ang kakapit Sasabihin sa anak, akina at baka mo maiwaglit" Makakalimot si anak, si ina pala ay nag tong-it   Ang kawawang paslit Sa ina ay nagalit Pagkat sya ay natalo sa larong tong-it Iyak ni paslit Abot hanggang langit Kamot ng ulo si ina nangati pati singit   Naked Noche Buena   Sari- saring prutas nakahain sa mesa Mansanas,ubas, peras at marami pang iba. Litsong manok na bida nasa gitna nila Katabi ng litsong ulo ng baboy , mansanas nasa bibig nya.   Suman, puto, kutsinta, at may bibingka Tsokolateng mainit at mayron ding tsaa Menudo, kare- kare at saka kaldereta Ilan lamang ang mga ito sa ating Noche Buena.   Tradisyong Pinoy sa Noche Buena, Pagsapit ng alas dose tayo ay sama- sama Pagsasaluhang lahat nakahain sa mesa Kay ingay, tawanan , ang lahat ay kaysaya.   Naked Pasko ng Pinoy   Pasko sa Pinas talagang kakaiba Sa simoy pa lamang ng hangin na dala dala Lalo na sa mga palamuting inyong makikita Naglalakihang parol , makukulay na ilaw paiba- iba.   Mga tindahan o mall ngayong ay abala Sale dito! Sale doon! nagkakalat na Mga tao sa Quiapo nagsisiksikang talaga Abala sa pamimili ng panreregalo nila.   Ang mga maybahay naman, naghanda na ng lista Ng mga gustong ihain sa kanilang Noche Buena Sweldo ni mister na kakarampot pa Pilit pagkakasyahin may mapagsaluhan lang sila.   Itong si mister naman , ang gawa niya Walang sinasayang na oras pandagdag sa kanyang kita Mithi nya'y maibigay hiling ng pamilya Sa araw man lamang ng PASKO magmistula syang si Santa.   Ito ang tipikal na PASKONG   NG  PINOY!   Naked Baluuuuuuuuuut   Balut! balut !  bakit ka mabilog? San ka nagmula at ikaw ay malintog? Hinihipo - hipo muna bago ito ipukpok Sinisipsip ang sabaw at parang nilalagok.   Balut!balut! sarap ipukpok Sarap ng sabaw , pag mainit nilalagok Balot!balot! wag sanang bugok Baka lumabas ang sisiw makita ko ang buhok!   Balut! balut! pampalakas ng tuhod Bakit tila tindero napaluhod Muntik na itong matapilok Sya kaya mismo ay kumakain ng balot?   Naked Puto bumbong   Kulay ubeng haba mata ko'y lumuluwa Kaylagkit pagnginangata Dumidikit sa aking ngala ngala.   Puto bumbong mong mainit Umuusok sa aking bibig Kaydulas at malangis- langis Mantikilyang nakakapit .   Kay ingay kung ngumawa Pantay pantay pa ang haba tinataktak  ang paggawa Sa dahong ng saging hihilata Mantikilyang nakaabang sasagasa.   Naked Bibingka   Ano ba itong lutong masarap Na mayrong mantikilya sa harap May nyog na mura at ginadgad Itlog na maalat sinagad   Bibingka ko ay inyong tikman Tiyak na babalik balikan Mapamalayo o malapit man Lasa nito ay kaylinamnam.   Bibingka ko ay katakam takam Libre tikim , dila lamang Wag pong isubo lahat yan Baka laway ay tumulo mapanis nyog nyan.   Bibingka ko ay kay init Hipuin mo ay kay lagkit Pagkagat mo nito ay mapapapikit At sasabihin ''hmmmmm... bibingka mo ay kaylupit!"   Naked Thanks Giving   Thanks giving.... ito ang araw na ang turkey ay nakatuwad Sa hapag ng mesa handa ang lahat Tulo ang laway sa amoy na nalalanghap Kutsilyo at tinidor nakaabang ng sikwat.   Unang Thanks Giving na naranasan ko Nakita ang turkey, sa atin ay pabo Takot kumain ang tagabundok na ito Sabi "ayaw ko nangangain yan ng tao"   Tawanan namang umaatikabo Nalaman nilang nahabol na ako Ng turkey na nasa harapan ko Kaya sabi sa akin, pagkakataon mo na ito   Ang sabi ay "sige lapangin mo Mula hita pati buto Balian ng pakpak ng di makalipad ito Gumanti ka sa ginawa sa iyo samantalahin mo   Ang kawawang turkey kinagat ko Parang lumalaban , matigas ang buto Parang nalalasan karne ng tao Di ko mapilit naduduwal lang ako Ang tagabundok,tumingin na lang sa kanila sabay lunok  at ubo .   Naked Pagkakaibigan   Mula pagkabata kasakasama na Tila magkadugtong bituka nating dalawa Parang ako'y anino mo, at anino din kita Kung saan ang laban mo sinasamahan ka.   Nagkaron man tayo ng sariling pamilya Maging asawa't anak natin naging makakaibigan na Pagkakaibigan nati'y naipamana pa Hanggang sa sumunod na henerasyon o lahi nating dalawa.   Ngayong tayo ay may mga apo na Pamilya mo at pamilya ko ay nagsama-sama Sa isang pagtitipon na para sa ating dalawa Pagdiriwang daw sa matibay na PAGKAKAIBIGAN nating talaga!   Naked Inggit   Ito ang sakit na walang kaparis Ito ay sumisigid na parang herpes Tagos sa buto mo hanggang sa pwet Wag ka lang uutot at baka sumabit   Itong isang ale sa akin  ay inggit Ano kaya ang meron ako, mata nya'y naniningkit? Tingin mong malagkit sa larawan ko kumapit Baka ito'y mabutas mo at ako'y mabuntis   Maari po ba lola kong malupit Tigilan pagpapanggap, at kidlat hahagupit Sa iyong pagpapanggap na parang paslit Malisyang alam mo bakit hindi iedit?     Hindi kaya naman tinamaan ka ni naked? Sa isa sa mga posting na napakalupit Bato bato sa langit ang tamaan may almoranas sa pwet Baka natamaan almoranas mo ...naku po napakasakit!     Masasabi ko lang sa iyo, sister na retarded Ito ay mundo ng mga ang utak wala sa pwet Ang tulad mong tanga at utak sinulid Matulog na lang at saka magduket   Naked Hawak kamay   Ganyan nga kaibigan Kamay ko ay hawakan Wag mo akong bibitawan Sa ating daraanan.   Humanda ka na lamang Sa biglang pag abang Sa atin ng kalaban, Higpitan mo ang iyong pagtangan.   Hawak kamay kaibigan Todo na ito walang iwanan Ipaglaban natin ang samahan Wag mo akong iwanan !   Sa ating balsang sinasakyan Ako ang sasagwan dyan ka lang Malalaking alon sa daraanan Ating sagupain  at paglabanan.     Naked Dakilang Ina   Syang nagdala sa sinapupunan Sa loob ng siyam na buwan Tiniis ang hirap ng kalagayan Mailuwal lamang sa sanlibutan.   Dakilang ina at uliran Mulang pagkabata ay laging nandyan Binibihisan ka at iniingatan Upang mahubog kang mainam.   Aking inang mahal Sa iyo ang handog ay medal Pagkilala sa iyong kadakilaan Sa pagsubaybay sa akin mulang kabataan   Utang ko sa iyo inang mahal Ang aking ngayong kinalalagyan Kung wala ka hindi ko na alam Kung makakamit ang tagumpay na inasam asam.   Ikaw ang bayani ng buhay ko aking inang mahal !   Naked Pantasya   Hanggang guni guni na lang ba kita? At pantasya ng aking mga mata? Laway ko ay tumutulo na Kelan kaya kita makikilala?   Araw man at dilat Mata kong nakamulagat Ikaw sa isip ko ay sapat Makasama ka at makadaupang palad   Minsan ako ay nagulat Tinapik ako sa balikat Ako pala ay may balat Nakita mo at iyong sinalat   Tapik sa aking balikat Sa buong katawan ay kumalat Para itong kuryente na sa akin ay nagpaunat Katawan ay nanghina halos panawan ng ulirat Pantasya kita sa buong maghapon at magdamag.   Naked OFW   Tinaguriang bayani ng ating bayan Mga taong dapat lamang parangalan Sakripisyo,pagmamah al sa pamilya at bayan Buhay nila doon inilaan   Hindi biro mamuhay sa ibang bayan Ibayong lungkot, dusa ang mararamdaman Lalo na sa oras ng karamdaman Mahal mo sa buhay ang nasa isipan.   Mga OFW ay karangalan Ng ating Inang Bayan at tunay na maasahan Hatid ay magandang kinabukasan Sa ekonomiya ng ating pamahalaan   Naked